CARACAS: Cardinal Baltazar Porras, kende ta Arzobispo di Caracas, a entrega e dossier cu e prueba di e segundo supuesto milagro di Dios via di intercesion di e beato José Gregorio Hernandez, na e Dicasterio pa Santonan, na Roma.
Esaki a bira e paso preparatorio pa e estudio di e caso aki wordo haci door di e Comision Medico na Vaticano. Manera ta conoci, prome cu un persona por wordo declara como ‘Santo’, tin di haya suficiente prueba cu el a yuda ocasiona un milagro. Den e caso aki, cu el a produci un milagro cu a yuda salba un hende malo, tin di wordo proba prome.
“E dossier aki di e di dos milagro di Dr. José Gregorio Hernandez, lo por produci mas noticia rond mundo den e lunanan venidero,” ta loke Arzobispo Baltazar Porras a bisa despues di e misa di Diadomingo, na parokia di San José di Cotiza na Caracas, riba e dia di fiesta di solemnidad di San José.
Fielnan sa cu e di dos milagro di e Docter di Pobernan, esta Dr. José Gregorio Hernandez, a socede na ciudad di Miami, Florida.
