Durante Expo-Salud, Diadomingo 13 di October;
ORANJESTAD (AAN) Pa finaliza e conferencia di prensa relaciona cu e Expo-Salud, organiza pa Departamento di Salud Publico (DVG), diadomingo 13 di October awo, Mary Ann Kock Kock, a hiba palabra.
Mary Ann ta un enfermera escolar, cu ta traha pa Departamento di Salud Hubenil, di DVG. El a duna di conoce cu nan tambe ta bay tin un booth e dia aki, na Seaport, nan booth ta completamente dedica na mucha. Nan a scoge e tema “inside-out” pasobra esaki tin hopi di haber cu mucha y locual cu nan ta bay presenta den nan booth ta e parti di cuido di mucha-hoben. Mary Ann cu su coleganan ta bay t’ey pa mayor y muchanan tambe sa y conoce kico ta nan trabao, como enfermeranan di scol.
Tambe den nan booth ta bay tin coleganan di Departamento di Salud Hubenil, pa splica kico nan ta haci, y scol saludable tambe lo ta presente y ta bay duna informacion tocante kico nan ta haci, ademas lo pisa y midi e muchanan. Nan lo wordo registra y duna nan un papel pa bay cas cu ne, pa nan keda duna siguimento riba esaki. Na final tin algun premio pa e muchanan y tin weganan cu nan por haci mientras nan ta den e booth aki.
