Empleadonan hopi anima na celebracion di 4 cuartal di Hotel

ORANJESTAD (AAN): E ballroom na La Cabana Beach Resort & Casino a keda transforma den un hub vibrante di diversion y anticipacion recientemente,

den conexion cu celebracion anual di Q4, un encuentro unda ta refleha riba e ultimo kwartaal di aña hunto cu coleganan y gerencia.

   Tessely Koolman, director di Recursonan Humano a yama tur hende bon bini manera cu holoshi a bay riba 2’or di merdia, a ricibi tur hende cu entusiasmo y setup e tono pa loke tabata un anochi di celebracion y reflexion. Cu e tema di e encuentro aki a subraya e renobacion remarcabel cu ta desaroyando e futuro di e hotel.

   Joe Najjar, General Manager, a subi escenario pa introduci Lillian Britten, e Assistant General Manager nobo. Lillian su palabranan a resona cu ful e team, marcando e comienso di un capitulo nobo. E diversion a continua mientras cu Joe a presenta e update di renobacion cual tabata hopi anticipa. Tur hende a pone atencion y scucha e detayenan pa loke ta desaroyo di Fase 2B anto e vision pa 2026. Nan a hunga un rifa hunto anto un empleado tabatin e suerte di por a oficialmente habri e pool principal nobo.

   Departamento di Recurso Humano encarga pa Tessely Koolman, HR Director, Sudi Guda HR Manager, Carine Cratz HR Assistant, y Kisairis Gomez HR Agent, comparti un poco di tur e celebracionnan di 2025, revelando tambe na mes momento eventonan venidero.

   E energia tabata vibrante mientras cu a lansa e logo di 35 aña di e hotel su aniversario hunto cu un jingle, culminando esaki cu un presentacion di Gareth Rosa y Mathilde Benito cu a pone tur hende riba nan pia ta canta y baila.

  Pero e sorpresanan no a termina eynan. Tessely a regresa pa anuncia un invitado special, Ataniro, kende lo ta animando e fiesta di pasco y celebracion di 35 aña n’e hotel; el a continua despues na rifa algun regalo, incluyendo premionan cash y carchinan pa bay wak concierto di Juan Luis Guerra e siguiente siman.

  E spirito di celebracion y gratitud tabata palpabel, mientras cu tur hende a participa den un trivia cu e chens di gana e rifa. Tabata tin hopi pregunta cu a test e conocemento di e compania su balornan, logronan, cu e secuencia critico di reapertura di e pool, aplicando Diamond Bright, yenando e pool, cendiendo e pumps - sirbiendo como un reto final.

   Na final di e encuentro, Departamento di HR a expresa nan gratitud na tur cu a contribui n’e exito continuo di e hotel. E evento a finalisa riba un nota halto, cu e jingle di e aniversario ta toca duro den e ballroom. Esaki tabata mas cu un encuentro of reunion cu empleado, e tabata un celebracion di progreso, di hende, y un promesa di cosnan mas grandi ainda na caminda.