Empleadonan di Aruba Bank ta inspira studiantenan di Colegio San Antonio

ORANJESTAD (AAN) –Aruba Bank a forma parti di e proyecto di profielkeuze di Colegio San Antonio.

Pa e Proyecto aki e empleadonan di Aruba Bank a graba un video cu ta duna un tiki mas splicacion di nan trayecto personal pa yega na nan funcion actual desde cu nan a caba nan studio secundario pa despues sigui diferente otro estudio y yega na haya un trabao/ carera na e institucion financiero, Aruba Bank.

 E meta di e video ta pa motiva cada studiante pa kies e materia economie y alabes mustra nan e diferente posibilidadnan cu e studia aki ta brinda nan den e sector bancario. E video a wordo comparti cu e studiantenan y lo fungi como un extra tool durante e añanan venidero.

 Pa Aruba Bank e tabata mas cu un honor pa brinda e studiantenan informacion necesario cu por yuda nan den nan escogencia pa un futuro profesion.

 Danki na staff y team completo di Colegio San Antonio pa acerca Aruba Bank y na tur empleado cu a forma parti di e video di un manera of otro.