Empleadonan di Aruba Bank den ‘Beroepsoriëntatiedag’ na Colegio San Antonio

ORANJESTAD (AAN): Aruba Bank ta orguyoso di anuncia su participacion den “Beroepsoriëntatiedag” cu a tuma lugar riba 30 di April 2026 na Colegio San Antonio MAVO na Santa Cruz.

   Un grupo di empleadonan dedica di Aruba Bank a atende e evento pa interactua cu studiantenan y duna informacion riba oportunidadnan di carrera den sector bancario y financiero.

   Durante e evento, representantenan di Aruba Bank a comparti nan experiencia profesional, papia riba diferente opcion di carera, y a ofrece guia na studiantenan mientras nan a explora nan aspiracionnan pa futuro. E iniciativa aki ta mustra e compromiso continuo di Aruba Bank pa sostene desaroyo di hobennan y empodera e proximo generacion pa medio di educacion y “mentorship”.

   Studiantenan a haya oportunidad pa siña riba area clave manera finansa, servicio na cliente, innovacion digital, y maneho di riesgo. Coleganan di Aruba Bank a destaca tambe e importancia di siñamento continuo, adaptabilidad, y integridad pa desaroya un carrera exitoso.

   “Na Aruba Bank, nos ta kere den inverti den nos comunidad, y esey ta cuminsa cu nos hobennan,” un representante di e banco a comparti. “Participa den eventonan manera “Beroepsoriëntatiedag” ta duna nos e oportunidad pa conecta cu studiantenan, inspira ambicion, y yuda nan haci decisionnan informa riba nan futuro.”

   Aruba Bank ta expresa su agradicimento na Colegio San Antonio pa organiza e iniciativa valioso aki y ta mira bek riba un dia significativo y inspirador hunto cu e studiantenan.