Empleado di luna di Augustus pa Hospital a bira MaryAnn Donata

ORANJESTAD (AAN): Diripiente a yama Maryann pa un reunion di urgencia. Ora el a drenta e sala di reunion,

pa su gran sorpresa, el a topa cu su famia, su ekipo y miembronan di Hunta di Directiva ta ward'e. Maryann a keda completamente sin palabra y siguramente no a spera e momento special aki! Un bunita sorpresa y un reconocemento bon mereci pa su añanan di dedicacion na Horacio Oduber Hospital (HOH).

   E trayecto di Maryann na HOH a cuminsa 16 aña pasa ora el a drenta hospital como stagiare durante su aña di examen na EPI. Despues di a finalisa su stage cu exito, el a drenta servicio oficialmente y a bay ta desaroya su mes adkiriendo experiencia balioso trahando den e departamentonan di Debiteuren, Opname y Crediteuren, te cu e tabata cla pa asumi su rol actual den Administracion Financiero.

   Den tur cos cu e ta haci, Maryann ta demostra di ta un berdadero ehempel den su departamento, semper cla pa brinda apoyo den e dianan di mas druk y hiba entusiasmo y alegria unda cu e bay. Cu e mesun calmo y precision ey, e ta maneha informacion financiero di forma confidencial, demostrando un nivel halto di profesionalismo y discrecion cu ta duna tur hende e trankilidad cu e trabao ta den bon man.

   E ta un persona cu ta tuma tempo pa scucha y compronde situacionnan dificil promer cu e actua. E actitud trankil y accesibel aki ta crea un ambiente caminda e coleganan ta sinti nan mes safe y confia pa acerca cu cualkier pregunta. Su gana di siña y e conocemento cu e ta sigui desaroya actualmente den e curso di Middle Management ta refleha su deseo di sigui crece te pa bira un lider di ekipo.

   Incluso bao di e presionnan di mas grandi, Maryann ta keda enfoka riba su metanan y ta finalisa su trabao cu hopi cuidou y na tempo. Su ehempel di compromiso a keda mas cu cla durante e implementacion di HiX y e module nobo di caha; el a para firme pa guia e caharonan, contesta nan preguntanan y comparti su conocemento pa e transicion aki cana miho posibel. Ta e dedicacion y entrega aki ta haci'e completamente merecedor di e reconocemento aki.

   Masha pabien Maryann di parti di Hunta di Directiva, bo team completo y ful staf di HOH cu e titulo di empleado di luna di augustus 2026! Danki pa semper t’ey.