ORANJESTAD (AAN): Bo tin di djis cumpra un number consistiendo di cuatro cifra, y agrega un signo zodiacal pa bo ta den wega di sorteo Zodiac.
Esey ta loke Emilio a haci, y el a gana tambe.
Pa tal motibo riba Diaranson el a acudi na oficina di Lotto na Playa pa reclama su premio. Na su yegada nan a revisa su ticket, y ora di scan e barcode, e computer a confirma cu Emilio a gana e premio di 12.500 Florin cu Zodiac Merdia.
Mesora a sigui cu e proceso pa transferi e premio electronicamente pa su cuenta di banco. Emilio a cumpra e ticket ganador na Lucky Bonsai Lottery.
