ORANJESTAD (AAN): Esaki ta pa studiantenan na Aruba! Esnan interesa pa haya insight di young professionals di NV Elmar, por uni na nan pa e evento di “Mercado di Estudio y Profesion”.
Esaki lo ta riba 16 di november for di 6:30 p.m pa 8:30 p.m na Colegio Nigel Matthew (Weg Kustbatterij 7A).
Descubri mas tocante e industria di distribucion di coriente y explora career paths. Haci pregunta na e expertonan Eldrick Celaire (ingeniero) y Jaspal Singh (inspection officer/electricien), y siña mas tocante e mundo fascinante di electricidad.
NV Elmar ta contento pa participa den e Mercado di Estudio y Profesion organiza pa IPA, Universidad di Aruba, y Colegio Nigel Matthew.
