Elmar a fortalece su conexion cu adultonan mayor na e Golden Age Expo

ORANJSTAD (AAN):  E compania di electricidad NV Elmar a agradecido pa e oportunidad pa por a forma parti di Golden Age Expo 2025 - Senior Wellness Event,

cu a tuma lugar diasabra 6 di september 2025. E evento tabata un gran exito, cual a uni hopi adulto mayor, pensionado nan y famia den un ambiente di conocemento y bienestar.

   Durante e expo, e booth di Elmar tabata un punto di encuentro activo y informativo, unda nos team a brinda informacion valioso riba energia y servicio electrico, incluyendo: (*) E uzo y beneficio di Prepaid SmartUp Meter.  (*) Compronde bo Cobransa y hopi tips util riba maneho di energia.  (*) Guia pa uza nos plataforma e-Connect y haci pago online. (*) Informacion tocante aplicacion pa meter y solicitud nan online.

   E booth di Elmar tabata e punto principal di interaccion, unda nos representante nan tabata disponibel pa atende preguntanan y duna informacion riba nos servicionan.

   Ademas, Elmar a duna un presentacion informativo durante e evento, brindando mas informacion riba temanan relevante pa nos clientenan.

   Nan kier extende nos gradicimento na e organisador nan di Golden Age Expo, pa e invitacion y pa e esfuerzo pa organisa un evento cu gran importancia pa e comunidad di adulto mayor.  E compania ta compromete pa sigui brinda servicio accesibel, transparente y digitalmente avansa, pa cu cada cliente, sin importa su edad, por maneha su coriente cu confiansa y facilidad.