Ehecutivonan di turismo a cera conoci cu Chef Ricardo Niels di Bogart's Aruba

ORANJESTAD (AAN):  Na e restaurant nobo Bogart's Aruba, tabata tin un evento special pa 'valued partners'.

Esaki tabata un evento caminda representantenan di sector turistico tabata tin e oportunidad pa cera conoci cu executive chef Ricardo Niels.

            Manera DIARIO a trece dilanti caba e dia di e ceremonia di apertura oficial, esaki ta un restaurant den un concepto nobo cual ta carga e fam di e actor mericano Humphrey Bogart, caminda tur anochi tin musica Nobo riba e piano cora. Ta masha agradabel pa sinta disfruta di un cena frances - mediteraneo exkisito  scuchando e pianista toca canticanan special cu ta haci di e experiencia uno unico.

            Durante e anochi special aki, e profesionalnan y ehecutivonan di turismo a wordo invita y a haya oportunidad di saborea algun di e specialidadnan di Bogart's manera e 'Pistachio crusted lamb rack' y 'The Golden Boy Angus Beef Burger y e 'Crispy Skin King-Salmon' den un ambiente masha agradabel rondona di pinturanan riba muraya masha bunita y chandeliernan y luznan cu ta haci di e lugar uno tremendamente 'cozy'.

                        Masha pabien na doñonan di Bogart's Aruba y na Chef Ricardo Niels pa e anochi special aki caminda DIARIO tambe tabata parti di dje.