ORANJESTAD (AAN): Prome Minister Evelyn Wever-Croes a remarca cu e meta aworaki ta pa domina e contagionan.
Pero den esaki tambe kier tin dominio di Covid pa asina tur mucha y hoben por inicia nan aña escolar nobo trankilamente dia 1 di September.
Pesey a bin cu medidanan diasabra ultimo y a bay hopi leu pasobra kier coy un periodo cortico y concentra den e pasonan cu mester wordo tuma pa asina no yega na locual Hospital ta considera e codigo preto di emergencia y pa e muchanan por bay scol trankilamente dia 1 di September, a expresa.
Te ainda tur plan ta pa 1 di September domina e piek y cu ta safe pa e muchanan por bay scol. Si algo cambia na caminda, ya cu cada tres dia ta cambia e Ministeriele Regeling pa loke ta maneho, lo laga sa esaki, e mandatario a duna di conoce.
Aworaki e punto di salida ta cu scol ta habri 1 di September, Wever-Croes a remarca.
