Edicion 1 di fiesta ‘Bida ta Baila’ tabata super exitoso

Organiza pa Fundacion Roy Angela y Aruba Blacktie Foundation

ORANJESTAD (AAN): E tabata super exitoso!  Pesey mes Fundacion Roy Angela y Aruba Blacktie Foundation ta contento con bon e fiesta tabata.  Ta trata aki di e edicion 1, di ‘Bida ta Baila.  E tabata un fiesta organiza di curason.

   Nan kier a gradici tur cu a contribui na e bon causa aki, y cu a yuda haci e fiesta uno super exitoso.

Nan kier gradici Ludwina Angela (viuda di Roy Angela) kende a pasa nan di Aruba Blacktie Foundation pa haya maneho di Fundacion di Roy Angela.

   Nan ta sigur cu lo bay keda mantene e nomber, pasobra unda cu Roy ta, nan ta sigur cu e tambe ta super contento.

   E organizadornan kier a gradici tur e scolnan di 60 plus cu nan a regala e carchi pa nan por a rifa y bin goza e anochi ey.  Ta gradici tur cu a kere den e proyecto aki, y cumpra  nan ticket y a bay pasa un anochi super ameno.  Hopi danki na e bandanan Nos Cu Nos, The Fantasticz, y Miniteca Metropolis cu a sa di pone e pista yen di cuminsamento te final.  Danki na Deluxe Lightning Entertainment y na e 23 Taxidancers bisti na cora cu a baila sin fin.

   Esnan di Aruba Blacktie Foundation y Fundacion Roy Angela a traha henter e dia aki prome cu e fiesta durante di e fiesta y despues di e fiesta di curason, tambe danki na Don Flip Carnival Group  cu un bon cushina cu no a spera cu nos hende nan ta bin asina trempan y tampoco a pensa cu asina hopi hende lo a cumpra ticket na porta y cu asina lamentablemente  tur cuminda a caba trempan.  Pa siguiente fiesta sigur lo percura pa esey no ta e caso.

    Tambe ta gradici e Securitynan cu a traha incansabel pa controla e autonan pafo. Na Telearuba cu a bin na e ora oficial. Na Photo Booth Fun Caribbean Clicks, na Galactica FM, Magic Fm, Power FM y Hit 94 FM pa e sosten manera semper y na tur pero tur cu di un of otro manera a contribui pa haci di e fiesta di ‘Bida ta Baila’ edicion 1 exitoso.

   Nan a duna hint cu ‘Bida ta Baila’ edicion 2 lo bay ta otro aña, esta 5 di Juni 2027.  Pues marca calender di awor caba.

   E siguiente fiesta di nan lo ta 12 September 2026, ‘The Blacktie Dinner and Ball’ cual fiesta su fondo ta bay pa Beyond Sports Limit.