ORANJESTAD (AAN): Manera ta conoci, tur prome Diasabra di luna tin Santa Misa na Alto Vista y Blue Amy na San Nicolas.
Ta cuminsa resa Santo Rosario 6:15’or di mainta. Santa Misa ta 7’or despues di e rosario.
Pues esey ta Diasabra 6 di Juni, y corda cu luna di Juni ta luna di resa Santa Rosario.
Pesey ta invita henter pueblo, deboto y fielnan pa asisti, na e Santa Rosario prome cu Santo Misa. Mama Maria ta entercede pa nos na nos Tata Celestial. Laga nos roga na Tata Dios pa den Su bondad manda awacero saludabel pa nos islanan. Wak nos suela seco, dam y tankinan ta scheur di e secura grandi. Mata y palonan di mondi tambe ta sclama poco yobida, parha y otro crianan lo sucumbi den e secura.
Tur santo y angelnan di cielo scucha oracion di pueblonan pa tin mas amor pa Señor Hesu-Cristo. Diadomingo 7 di juni fiesta di Corpus Cristi, sigur un dia cu tur fielnan ta asisti na Santo Sacrificio. Papa Leon ta haci un suplica na mundo pa resa e Santo Rosario, nos ta den un tempo di crisis grandi. Aki na Aruba nos ta sinti e Cambio di Clima.
E cayente di e solo ta afecta nos tur dia. Ban haci un curashi diasabra mainta trempan pa ofrece nos ora y asisti na Santa Misa y resa pa tur esnan cu ta leu di iglesia. Laga nos resa pa necesidad di Iglesia Universal, pa Papa Leon X1V, Administador Charles Gordon tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Cu pronto lo regresa na Aruba y gosa di un bon salud.
