Eclipse Parcial di Luna di awe lo por wordo observa na Aruba solamente cu verkijker of telescope  

Solamente e parti final di e eclipse...

ORANJESTAD (AAN):  Aruba Astro Research Int. kier a informa comunidad cu e Eclipse Parcial di Luna Saros 146 cu lo tuma lugar awe Diasabra Dia 28 di October 2023 lo no wordo mira na Aruba, solamente e parti final di e eclipse di penumbra lo por wordo observa cu un verkijker of telescope.

             Esaki ta e sombra mas leve di e sombra di nos planeta tera ariba e superficie di e luna esaki despues di 5:29 pm di atardi ora e luna sali aki na Aruba y pa cual e penumbra lo termina pa 6:26 pm di atardi.

            No ta bay mira e parti parcial di e eclipse di luna esta e sombra umbra cual ta e sombra di eclipse parcial di e luna paso pa 4:52 pm di atardi ora di Aruba e Eclipse Parcial di Luna esta e umbra a termina y e penumbra ta inicia despues di 4:52 pm di atardi y ta termina pa 6:26 pm di atardi.

             Esey so por mira na Aruba, e parti final di e penumbra paso e luna ta sali te pa 5:29 di atardi na Aruba. Partinan cu lo observa e Eclipse Parcial di Luna Saros 146 di cuminsamento te final completo ta partinan mas pariba di Oceano Atlantico, Africa, Europa, Medio Oriente y Asia. Hulanda lo observa esaki perfectamente.                                                  

             Aruba Astro Research Int. kier a gradici Matutino Diario pa e bunita publicacion di Diahuebs Dia 19 di October 2023 na pagina 18 cual publicacion tabata na color ilustrando e facenan di e eclipse parcial di solo na Aruba Diasabra Dia 14 di October 2023 dunando asina un apoyo y sosten grandi na e tereno di astronomia di Aruba y na Aruba Astro Research Int.