ORANJESTAD (AAN): Manera cu DIARIO a trece dilanti caba, riba dialuna 30 di october, diamars 31 di october (Aruba),
diaranson 1 di november (Curaçao) y diabierna 3 di november 2023 (Bonaire) ta tuma luga e inspirativo y interactivo Congreso Nacional Educativo di Caribe. E congreso ta e plataforma pa profesionalnan den enseñansa y den cuido di mucha y ta ofrece espacio pa conocemento, encuentro, inspiracion y experencia.
Tema di e congreso: profesionalidad ta docencia: Un profesional adecua di enseñansa y di cuido di mucha sa con mucha ta siña y ta conect'e cu su dunamento di les y su guia.
Profesionalismo ta necesario pa defini e liña di estudio, pa diseña les y pa forma e muchanan den nan desaroyo. Sinembargo, incluso cu hopi aña di formacion y experencia no por papia ainda di profesionalismo.
Jeroen Rougoor, cu ta traha cu e grupo Rolf y organizado di e evento aki, ta bisa: “E profesional berdadero ta distingui su mes door di curiosidad y motivacion pa keda siña y mehora su mes den su materia. Ta un docente no kiermen e punto final, sino e caminda pa yega eynan. Cu e Congreso Nacional di Educacion Caribe nos kier yuda bo yega eynan.”
Despues di e palabranan di apertura lo cuminsa cu diferente tayer inspirativo y practico. Participantenan mes ta hinca den otro un programa varia y educativo. Ademas di e tayernan lo tin espacio pa combersa cu colega y oradornan tocante e ultimo tendencia, desaroyonan, inovacionnan y e productonan nobo den enseñansa y cuido. Mas detaye di e congreso tin na:
Ainda tin carchi disponibel pa e congreso di diamars, 31 di october, cu ta patrocina pa Colegio Arubano.
