Sharine Koolman, di DVG: - ORANJESTAD (AAN) -- E tema di e pandemia causa pa Covid-19 a bolbe bin den conferencia di prensa di Diabierna 2 di Juli ultimo, y sigui na e informacion duna pa e funcionarionan, a bin e ronda di pregunta.
Na prome lugar señora Koolman di DVG a wordo puntra tocante e posibilidad pa vacuna e hobennan di 12 pa 17 aña, si esaki tambe mester ta dos dosis, of por aplica esun di Johnson & Johnson cu ta un solo dosis.
Contestando e pregunta, Sharline Koolman a splica cu e unico vacuna cu ta aproba pa hoben di 12 pa 17 aña, ta esun di Pfizer. Johnson no a wordo aproba pa vacunacion di e categoria di edad aki.
El a agrega cu tin algun isla Hulandes cu a haya Moderna, y nan no por use. Nan mester a manda Pfizer pa nan por vacuna e poblacion concerni.
Pues, e poblacion di 12 pa 17 aña ta cu Pfizer so.
