Lo bin un politica di 'high-risk' y 'low-risk' - ORANJESTAD (AAN): Pa loke ta e maneho di 'inreisbeleid', kiermen e maneho pa esnan cu ta bin Aruba, Crisis Team
a sugeri pa haci cambio na esaki y ta bezig ta termina e detayenan hunto cu Oficina di Turismo y tambe cu Departamento di Aviacion Civil.
Ora cu esaki keda cla lo anunci'e cu mas detaye otro siman. Eynan tambe lo bin algun cambio pasobra lo bay over na un 'high-risk' y 'low-risk'.
E 'high-risk' lo ta relata na un pais cu su incidencia di Covid-19 ta mas cu 150 caso nobo pa 100 mil hende den 14 dia. Un 'low-risk' lo ta bao di 150 caso nobo, asina Sharline Koolman, Crisis Team Leider, a duna di conoce diabierna mainta.
E Ministeriele Regeling relaciona cu e cambionan nobo den e medidanan lo bay na vigor entrante dialuna 5 di Juli awor, Koolman a indica.
