E ultimo ride pa señora Maria

ORANJESTAD (AAN): Di e forma aki, señora Maria, yama cariñosamente “Mama”, a haci su ultimo recorido,

acompaña pa su compañeronan di Camacuri Harley Davidson Club y algun otro miembronan di diferente bike club di Aruba.

   Señora Maria tabata un señora ya grandi caba, pero no tabata keda afo di casi ningun ride, cu wordo organiza, tanto aki na Aruba, como tambe den exterior.

   Señora Maria mes no tabata core motorcycle, pero e tabata bay sinta riba brommer cu su yiu. DIARIO ta manda ainda palabra di hopi forsa na e famia completo y sin por laga afo na tur su amigonan bikers.  Aki por mira momento cu nan a sali for di Aurora Funeral Home.