E tanki di awa den Rancho den Noordstraat (Avenida Alo Tromp)

Hendrik Eman a haya un concession di Gobierno di e tempo pa coba algun pos di awa den Madiki y Saliña den e epoca di 1900.

E poco awa cu a haya a usa esaki pa bende cu barconan mara den waf di Paardenbaai Oranjestad y tambe a laga traha un tanki den centro di Rancho. A traha e tanki na 1905 den Noordstraat cu awe ta yama Avenida Alo Tromp.

Ta for di e tanki di Rancho tabata conecta tubonan di awa cu tabata pa core pa algun cas den vecindario.

E temponan ey e casnan tabata haya solamente un kraachi di awa y e compania tabata cobra 75 cent pa luna pa un kraachi. Por bisa cu aki Aruba a conoce su promer conexion di awa potable.

Na 1914 e compania a cai den problemanan financiero y a stop di existi.

Na 1970 a traspasa e tanki di awa pa gobierno.

Na 2019 Stichting Monumentenfonds a tuma e Tanki di awa di Rancho como monumento nacional y a haci limpiesa y mantencion.

E tanki di awa ta unico den su forma y structura y ta pertenece ta e historia y herencia cultural di Aruba.

Fotos: Stichting Monumentenfonds, Stichting Rancho

Compila pa Roberto Croes