ORANJESTAD (AAN) – E CEO di Aruba Tourism Authority, Ronella Croes, a menciona den conferencia di prensa, contestando un pregunta,
cu pa loke ta trata covid-19, e reglanan stipula ta conta pa tur turista cu bishita Aruba, sea di Merca, Europa, America Latina, etc.
Pues, no tin distincion pa ningun na e momentonan aki, cu excepcion di e paisnan pa cual e frontera cu Aruba ta cera pa nan.
Esaki kiermen cu tur turista cu drenta Aruba mester entrega un resultado negativo di e test PCR, dentro di 72 ora prome cu bishita e isla, no ta importa for di unda e ta procedente.
Pero tanto ATA como DVG ta trahando riba alivio cu flexibilisacion di medidanan, pa loke ta trata esnan cu ta completamente vacuna, ora nan ta bishita Aruba.
Ronella Croes ta hopi optimista cu ya pa aña 2022, Aruba ta 100 porciento recupera di e pandemia.
