ORANJESTAD (AAN): Minister Plenipotenciario Guillfred Besaril hunto cu Minister di Enseñansa a.i. Glenbert Croes y directora di Departamente di Enseñansa Annemarie Proveyer-De Groot,
tabata na aeropuerto Reina Beatrix riba Diadomingo pa despedi di e prome grupo di studiante cu a sali pa Hulanda pa sigui nan estudio avansa.
Minister Besaril a bisa di ta orguyoso riba e trabaonan cu Arubahuis a bay ta haci pa ricibi nos studiantenan. E team di Arubahuis, e mentornan y miembronan di e POC ta bon prepara pa ricibi e studiantenan y duna nan guia nesesario e prome dianan pa facilita den nan estadia y asina nan por cuminsa cu nan estudio. E potret ta cortesia di Cas di Aruba.
