ORANJESTAD (AAN): Stichting Arubaanse Carnaval (S.M.A.C.) a duna di conoce riba nan Facebook Page cu dialuna anochi na Centro di Bario Brazil a tuma lugar reunion entre S.M.A.C. y Gruponan.
E reunion aki a bai den un ambiente placentero. Hunto a trata diferente punto. Un di nan sigur ta e temporada di Carnaval.
Pa loke ta schedule diferente idea a bin riba mesa, pero cada grupo lo bay bek den nan seno y ta bolbe awe diaranson pa confirma esaki pa despues presente na tur otro partner di Aruba su Carnaval.
Segun S.M.A.C. pueblo di Aruba por ta trankil. E proceso pa pone Carnaval riba pia a cuminsa. Muy Pronto lo tin mas bon noticia na caminda, nan a indica.
