DIMAS a keda contento cu Julio Cesar Rincon Bravo a logra su Bachelor

ORANJESTAD (AAN): Departamento di Integracion Maneho y Admision di Stranhero ta felicita Julio Rincon cu e bunita resultado di un 8.0 pa e culminacion di su estudio den Bachelor den Marketing & Business na Universidad di Aruba.

   Julio Cesar Rincon a haci un estudio di mercado na DIMAS pa midi a satisfaccion di clientenan y asina duna recomendacionnan con DIMAS por transcende di un “Red Tape organization” pa un “Red Carpet organization”. E tema di Julio su tesis tabata “The relationship of customer service quality and customer care with customer satisfaction.”

   Dia 30 di juni ultimo, Julio a defende su tesis na Universidad di Aruba den presencia di su mentornan, coordinador di UvA, directora di DIMAS y familiares.

   Di parti di gerencia y personal di DIMAS nos ta extende un palabra di felicitacion y ta desea Julio hopi exito cu comienso di un briyante carera.