ORANJESTAD (AAN) — Pa un diferencia minimo, e no a logra gana eleccion na 2017. Sinembargo, e tabata destina pa a bira Prome Ministro di Aruba na 2017,
loke awe ta e motibo cu nos por skirbi di e papel excepciona di Evelyn Wever-Croes den historia di Aruba.
Cu e pais por a spera un aire di cambio, sigur a bini dilanti den e hecho cu pa prome bez den historia un dama a bira Prome Ministro. Con diferente futuro lo tabata for di loke tur hende a pensa, tabata dificil pa mira. Pero tur hende tabata na haltura cu por a spera cierto sigur si a scucha e advertencianan di Evelyn Wever-Croes prome cu eleccion.
Na momento cu Evelyn Wever-Croes a ocupa su oficina di Prome Ministro, Pueblo di Aruba a wordo prepara pa e realidad cu fiesta a termina y cu Aruba lo tabata tin mester di cooperacion di tur Arubiana pa por a trece un cambio den e ruta cu e pais tabata sigui te na eleccion.
E gobernacion anterior carga cu promesanan di oro a yega na su fin. Hunto cu Reino Prome Ministro Wever Croes mester a admiti cu e epoca di baila y fiesta a termina y cu situacion di Aruba tabata exigi responsabilidad y honestidad politico pa guia pueblo na un futuro nobo, cu na prome luga tabata exigi pa cambia e maneho financiero.
Aruba tabata bou supervision di Hulanda, cu hunto cu Prome Ministro Evelyn Wever-Croes, a yega na e conclusion cu na forma urgente mester a aumenta entrada di Aruba, loke tabata nifica cu e prome trabou importante di Wever-Croes tabata cu mester a subi tarifanan y belasting pa Aruba por a keda riba pia.
Na mes momento e hit parade di Citgo tambe a yega na un fin. Aruba tabata rehen di Citgo cu no por a habri e proyecto, manera DIARIO ya a anuncia na Aruba tambe.
E entrada di Evelyn Wever-Croes pues no tabata basa riba baile y gozo pero trabou sumamente duro pa evita problema financiero seio pa Aruba.
Na 2018 e postura y e medidanan cu Prome Ministro Wever-Croes a cuminsa tuma pa evita cu Aruba tabata sink, a entrega Aruba un luga di elogio di Reino cu for di e momento a cuminsa atende cu Aruba na un nivel hopi haltu.
Prome Ministro Wever-Croes a mantene su mes na berdad den informacion di Pueblo. Na mes momento e tabata duna animo na pueblo u e sacrafiionan cu mester haci, ta e unico salida pero tambe apertura pa un inicio nobo.
Ta durante epoca di Evelyn Wever-Croes un epoca nobo a habri pa periodismo cu por a duna mas contenido na su trabou. Contacto practicamente tur dia cu Gobierno cu tabata kico e tabata haci y kico mester a pasa pa Aruba por sigui cana.
Aruba tabata tin confiansa den Evelyn Wever-Croes, cu a crea un team cu Pueblo y a gana respet di Reino pa e forma honesto cu e tabata goberna.
For di 2019 e base tabata presente pa Aruba cuminsa traha riba su recuperacion despues di a logra bolter e rumbo di economia. Rapportnan oficial ta mustra esaki. E berdad tabata refleha den e presupuesto di Aruba y den e respet cu Reino ta demostra pa Prome Ministro Wever-Croes.
Ta un Aruba cu a cuminsa traha riba un fundeshi nobo, un economia nobo, mester a evita un pandemia den cual Evelyn Wever-Croes a keda lider. Na careda el a bay negocia cu Hulanda y a sa di ocupa un luga los for di otro islanan Hulandes.
Ora a parce cu e pandemia lo a mata futuro, Evelyn Wever Croes a presenta e masterplan cu el a traha hunto cu 125 experto Arubano. E masterplan a bira base pa e futuro cu mester traha cu Hulanda pa un futuro nobo di Aruba.
Durante un momento historico Evelyn Wever-Croes a fungi como lider di Aruba, lider di grandinan, muchanan, trahadonan, empresarianonan, migrantenan, Arubianonan den exterior, enfermonan y e forsa cu a uni contra Covid-19.
Aruba ta prepara pa un eleccion nobo. Evelyn Wever-Croes ta sigui traha. Contesta final mester drenta di dos proyecto grandi. Un parti grandi di Aruba a vacuna y Aruba ta prepara pa ricibi turista.
Tur dia Evelyn Wever-Croes ta informa, ta guia, ta duna animo y ta presenta adelanto di Aruba, cu el a rescata na momento cu el a hereda un pais sin povenir hasta prome cu Pandemia a bati na porta.
