E palabra ‘Mantenimento di Edificionan’ ta un tabu completo na Aruba

ORANJESTAD (AAN): E ta un mal costumber cu casi tur Gobierno na Aruba durante henter Siglo 20 a comete, y ta sigui cu e mesun estilo ey awor den Siglo 21.

   Esey ta cu ora nan construi edificio di scol, di centro di bario, of otro lugar... cu nada ta wordo haci despues pa mantenimento di e edificio.  Gobierno ta prefera di usa e placa di mantenimento pa otro proyecto, y te ora cu e edificio ta den situacion precario, e ora numa ta bay busca forma pa fix e asunto.

   Scolnan bunita construi rond di Aruba, ya despues di 4 aña ta mira nan cu parti pafo tur kibra, plafond ta ranca, iluminacion pa seguridad anochi na werki, etc.

   Asina Aruba a yega di perde hopi Policlinica den barionan rond di e isla.

   Y awor tur hende por mira kico ta pasando cu e edificio di Julianaschool na Playa.  E ta abandona, sin ningun prospecto pa futuro.  E alumnonan mes ta temporalmente den edificio di Centro Deportivo Franklyn Bareño na Piedra Plat.

   Ta tristo pa mira con keto bay, con esaki y varios otro edificio cu tabata fungi como scol, awendia ta den decadencia total.