Directora di Directie Ouderenzaken Desiree Helder:
ORANJESTAD (AAN)—Durante e Conferencia di Prensa tocante costo di cuido di adulto mayor, yama pa Minister demisionario Ursell Arends, y den cual e directora di Directie Ouderenzaken, señora Desiree Helder, a participa.
Den e ronda di pregunta a trece dilanti, den su direccion, cu e adulto mayor ta cobra pension y cu mesora cu e ta wordo inscribi den un lugar di cuido, mesora nan ta trek in su pension pa cubri su gastonan di cuido.
Señora Helder a contesta cu te aworaki solamente SABA ta haya subsidio pero den casnan priva, e gastonan ta wordo paga door di e pension di e adulto mayor mes, of di e famia cu ta pone placa hunto, pa paga e costonan di e persona.
“Pero si nos ta papia, eigenlijk, di e situacion actual, ainda falta hopi. E necesidad den e casnan di cuido priva tambe ta grandi, pasobra loke nos ta wak ta cu falta hopi ainda pa inverti den e calidad di personal, calidad di e localidadnan mes, calidad di e inventario cu nan tin, manera e cama cu nan mester, y calidad di cuminda cu ta brinda na e adulto mayor. Pero pa cuido na cas, tambe falta hopi. Pasobra actualmente tin un Wit Gele Kruis cu ta duna servicio na cas, y tin servicionan priva cu ta duna cuido na cas, pero ainda tin hende cu mester di cuido cu no ta haya e cuido cu nan mester.
Riba e mesun pregunta aki cu DIARIO a haci, tambe Minister Arends a duna su comentario. Por lesa su contesta den otro articulo.
