E mihor studiantenan di examenklas a wordo honra

Despues di 1er periodo di examen

ORANJESTAD (AAN): Manera ta conoci, recientemente tur scol na Aruba a tene nan prome periodo di examen, conoci como “SE1”.  Esaki tabata e prome di un serie di examen cu nan lo bay haci durante henter e aña escolar aki, y na final lo bay tin e examen final (‘eind examen’).

   Colegio Arubano den Vondellaan a dicidi na stimula e studiantenan di examenklas, door di honra esnan cu a sobresali den e prome SE1 aki cu e mihor puntonan.

   Durante un mainta den e prome pauze, nan a wordo treci dilanti Hal di Colegio unda a honra cada uno y mustra cu nan por wordo considera como “SE1 Stars” tambe.  Palabra di pabien na cada uno, y sigui asina.

   Un palabra di pabien na Colegio Arubano cu e idea aki di sigui stimula alumnonan pa nan haci nan best pa e demas exmannan na caminda.