E grupo di studiantenan a yega bon Hulanda

ORANJESTAD (AAN): Informacion di Amsterdam, ta indica cu riba Diamars cu vuelo KL 765 di KLM a yega

e grupo di studiante Arubano pa sigui un estudio avansa na nivel di HBO of Universidad na Hulanda.

   Algun studiante a yega prome caba riba e vuelo di TUI. Ta trata di un total di 104 studiante cu a yega riba Diamars riba e dos vuelonan for di Aruba. E total di studiantenan cu a aña aki a bin studia na Hulanda ta mas grandi, pasobra tin studiante cu ta na Hulanda caba of ta bin mas laat.

   Na Schiphol e studiantenan mescos cu tur aña a worde ricibi door di director di Gabinete di Aruba Joselin Croes LL.M. Pa zorg cu tur cos cana bon un delegacion consistiendo di funcionarionan di Departamento di Enseñansa, Bienestar General y Cultura di Gabinete di Aruba, studiementor y miembronan di e POC (Plaatselijke Opvangcommissie) tabata presente den sala di yegada di Schiphol.

  Unabez cu e grupo di studiante a sali cu nan maleta nan mester a para den grupo pa warda nan turno pa bay na e bus cu lo hiba nan na nan ciudad.

    E aña aki a introduci un momento fotografico cu e studiantenan cu ta desea di haci esaki.

   Awe Diaranson, e grupo di studiantenan aki lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia necesario den nan ciudad unda pa sigur cuater aña of mas nan lo biba y studia.

   E prome aña e studiante ta ricibi guia di e studiementor, pero pa e resto di su estudio e ta cai bou di Gabinete di Aruba.  E potretnan ta cortesia di Gabinete di Aruba.