E ganadornan di competencia di kleur di WEB Aruba NV

ORANJSTAD (AAN): Esaki ta e ganadornan di competencia di kleur “Mi promesa na nos Naturalesa” organiza pa WEB Aruba NV.

   Cu hopi entusiasmo, Sector Waterdistributie & Customer Service a saca e 6 ganadornan di e competencia di kleur “Mi Promesa na Nos Naturalesa.” E iniciativa aki a duna hobennan den categoria di 6 pa 9 aña y 10 pa 13 aña di edad e oportunidad pa kleur y reflexiona riba e importancia di cuida y proteha nos flora y fauna, door di skirbi nan promesa na nos naturalesa.

   E competencia tabata uno exitoso, cu un cantidad grandi di participante talentoso cu a pone nan creatividad den nan kleurmento y expresa con nan por contribui na un futuro mas sostenibel. E muchanan a comparti nan promesanan pa conserva nos naturalesa, reduci sushi y proteha nos flora y fauna.

   E premionan di categoria 6 pa 9 aña a inclui e.o. iPad, bais, y gift certificate.  Premionan di categoria 10 pa 13 aña a inclui Laptop Computer, bais, y gift certificate.

    WEB Aruba NV ta felicita tur e ganadornan y ta gradici tur participantenan pa nan entusiasmo, dedicacion y creatividad.