E di 31 edicion di Festival di Buki pa Mucha a resulta hopi exitoso

Astrid Britten cu resumen:

ORANJESTAD (AAN) – Astrid Britten, Directora di Biblioteca Nacional Aruba, den entrevista cu DIARIO, a duna un resumen e siman di Festival di Buki pa Mucha, cu a a duna inicio na e di 31 edicion di e Festival di Buki pa Mucha.

“Mi buki mi cas”, ta e tema pa aña 2023, cu participacion di 16 autor, nan a pasa den e siman di 6 pa 10 di November, na mas of menos 50 scol preparatorio, basico y scol special.

Banda di esey, di dialuna 6 te cu diahuebs dia 9, tabata tin actividad tanto na Biblioteca na Playa como na San Nicolas, y tambe nan tabata tin un mercado di buki di segunda mano.

Riba escenario di Cas di Cultura e talento y creatividad di nos muchanan tambe a resalta cu un bunita presentacion artistico, reflehando e tema 2023: “Mi buki mi cas”.

Di parti di DIARIO, pabien na Biblioteca Nacional y su personal encarga cu su di 31 edicion di e exitoso Festival di Buki pa Mucha pa aña 2023.