E deterioro di e torennan di Prison di KIA

ORANJESTAD (AAN): Ta conoci cu saltpeter ta un material masha corrosivo mes cu bo ta haya den biento cu ta wordo supla for di lama. 

Y esaki nifica cu tur cas, edificio, y demas structura cu ta wordo construi den cercania di lama tin di pone extra proteccion, incluyendo extra mantenimento, bo tin di percura pa tur material di palo tin wood sealer pa reduci deterioro di material.  Bo tin di check y verf bo cas of edificio cada biaha, y check si tin parti den muraya cu a haya buraco of no.

   Y esnan cu ta pasando e dianan aki den area di costa pariba di Aruba, y ta hisa cara y mira e muraya y e “uitkijkpost” di Prison di KIA, por mira cu esaki ta ehemplo bibo di con fuerte e efectonan di medio ambiente extremo ta riba nan.

   Si bo mira cuanto extra pleister a pone algun caminda, cuanto parti di dje a scheur, y a purba di ‘tapa’ esaki cu cement nobo, y tambe diferente capa di verf... ta indicacion cu e edificio aki lo tin di bay haya pronto un mantenimento mas avanza.

   E tempo di ‘lapi-lapi’ no ta sirbi mas, aunke e por djis dunabo algun luna extra ainda cu bo por use, pero aki ta nota cu e ta birando algo peligroso, pa e torennan aki bin abao.