×

Warning

JFolder: :files: Path is not a folder. Path: /home/diario18/public_html/images/E crucero mas grandi na mundo a trece 6
×

Notice

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/E crucero mas grandi na mundo a trece 6

E crucero mas grandi na mundo a trece 6,017 huesped pa conoce Aruba

E crucero mas grandi na mundo a trece 6,017 huesped pa conoce Aruba

Bishita inaugural di Legend of the Seas

ORANJESTAD (AAN): Diaranson 18 di november, Aruba Tourism Authority (A.T.A.) y Aruba Ports Authority N.V. (APA) a celebra e bishita inaugural di Legend of the Seas, e crucero mas grandi na mundo y parti di Icon Class di Royal Caribbean. E bishita historico a trece 6,017 huesped na nos isla y a wordo ricibi calurosamente pa e delegacion presente.

E delegacion tabata representa pa Minister di Turismo, Wendrick Cicilia, Chief of Staff Philippe La Reine; Miembronan di e Comision di Parlamento di Turismo Jennifer Arends-Reyes y Clifford Heyliger, CEO di Aruba Tourism Authority, Ronella Croes, Presidente di Hunta di Supervision di A.T.A., Jo-Anne Arends, y demas ekipo di A.T.A.; CEO di Aruba Ports Authority, Marc Figaroa y su ekipo, como tambe e ekipo di SEL Maduro & Sons, agente di waf.

Pa marca e prome bishita di Legend of the Seas na Aruba, a tene e intercambio tradicional di plakkaat cu Capitan Sindre Borsheim. Durante e ceremonia, Wendy McDonald, Regional Vice President, Government Relations, Caribbean di Royal Caribbean Group, tambe a dirigi palabra na tur presente.

Un aspecto cu a haci e bishita ainda mas special tabata e donacion cu Royal Caribbean a haci na dos fundacion Arubano: Fundacion TurtugAruba y Scubble Bubbles, ambos dedica na proteccion y preservacion di bida marino. E gesto aki ta simbolisa no solamente e aprecio pa Aruba como destinacion, pero tambe e importancia cu Royal Caribbean ta duna na comunidad, medio ambiente y conservacion di nos ecosistema marino.

Pa Aruba Tourism Authority (A.T.A.), esaki ta alinea cu e enfasis cu ta wordo poni riba responsible Tourism, unda turismo no solamente ta contribui na economia, pero tambe tin un responsabilidad pa e bienestar di nos comunidad y preservacion di nos isla. Proteccion di nos naturalesa y medio ambiente y ta parti importante di e compromiso pa un desaroyo turistico mas responsabel y sostenibel.

{gallery}E crucero mas grandi na mundo a trece 6,017 huesped pa conoce Aruba{/gallery}