Prome Minister Wever-Croes:
ORANJESTAD (AAN): Ta existi un preocupacion cerca e organisacion di pensionadonan pa loke ta e fondo di APFA, den cuadro di e ley 'Landsverordening Normering Topinkomens, e asina yama Wever-Croes Norm.
Prome Minister Evelyn Wever-Croes a duna di conoce den rueda di prensa e posicion di Gobierno cual ta hinca den e memorie van toelichting y a splica e intencion di Gobierno cu e ley aki.
Wever-Croes a expresa cu el a haya un copia di e carta di APFA y e ta lamenta cu prensa a sak'e for di su contexto. "Pero e carta di APFA ta un carta hopi bon hinca den otro. Nan preocupacionnan ta valido y nos a tene cuenta cu nan".
Ya caba e mandatario a splica cu e proposicion di gobierno den prome instante tabata pa un norma di 416 mil Florin. E ta lamenta cu Hulanda a bin aden y bisa cu no ta di acuerdo cu esey y a bira 261 mil Florin.
E mandatario lo a prefera pa haci'e na 416 mil Florin, pero Hulanda a impone y mester a manda e ley asina pa Parlamento.
A agrega cu di otro banda, mester puntra los di APFA, cual ta trece un otro punto pa dilanti cu ta valido tambe, pero los di esey, si ta papia di e 416 mil florin ta purba di frena un desaroyo di salarionan cu ta sali for di man.
Awor ta bin c'un 'norm' hopi halto y por tabata 2 of 3 so a surpasa 400 mil y pico, pero mester corda riba tur esnan cu ta na 100 mil, 200 mil, tur ta bay trek up na 400 mil. Pero ta bin c'un ley cu ta crea net contrario di locual tabata e intencion. E intencion ta cu companianan estatal cu ta duna un servicio pa comunidad no paga salarionan exhorbitante, ya cu sino e prijs di e servicio ta subi tambe.
Tin cu percura pa e salario want'e normal. Normal dentro di Reino, a pone un norma riba kico ta normal y esey ta 130 porcierto di e salario di Minister Presidente, a remarca.
E preocupacion di APFA ta e ley di derecho privado y cu esey ta atendiendo. E suma ta para den e memorie van toelichting extensamente riba con ta yega na e 416 mil florin y cu e instruccion di Hulanda tabata pa 261 mil.
