A conmemora Dia Mundial di e Refugiadonan

ORANJESTAD (AAN):  Dia di reflexion en conexion cu e empatia pa cu e refugiadonan,

mas awor cu den e ultimo noticia tin indicacion cu ta yegando na e tristo cifra di algun cien miyon refugiado na mundo.

            Den Centro di Bario Playa Pabao, Fundacion Venearuba Solidaria hunto cu PADF (Fundacion Panamericana para el Desarrollo), I.O.M (“ Organizacion Internacional para los Migrantes), HIAS (Organizacion judías estadounidense sin fines de lucro” Sociedad de Ayuda al Inmigrante Hebreo), ACNUR (La Agencia de la ONU “Organizacion de las Naciones Unidas” para los refugiados), a uni pa celebra un evento multicultural, unda ademas di baile, cantica y musica y Dino Jump pa e muchanan y competencia di pintamento a ofrece cuminda y soft drinks.

            Esaki tabata un bunita gesto pa spierta e sensibilidad pa e hendenan cu ta sufri leu di e pais cu a wak nan nace, no ta husto pa uni na e desgracia di desprecio.

            "Pa un hende manera ami ta un sensacion hopi straño pa skirbi un diario. No solamente pasobra nunca mi a yega di skirbi, sino pasobra e ta nami e impresion di cu mas despues ni ami ni ningun otro persona lo interesa e confindencianan di un studiante di dies tres aña".  Ana Frank

            Fundacion Venearuba Solidaria y PADF a pone un ofrenda floral na e estatua di Ana Frank, como simbolo di e refugiadonan. Tambe Dialuna atardi na La Casa del Venezolano tabata tin un celebracion pa tur e muchanan cu ta bin Siña Merdia y nan mayornan pa Cera e celebracion di Dia di Refugiado.

            Durante e celebracion tabata tin weganan, musica bao encargo di e arpista venezolano Yhosaira Rojas, cuminda y jusnan.

            A finalisa e celebracion c'un charla tocante resiliencia emocional imparti pa e deportista Deaxo Croes.