ORANJESTAD (AAN): Diasabra anochi den The Cage Nightclub, e organizadornan di GLW Foundation a tene nan asina yama ‘Awards Night’ pa e certamen di Miss Teen Aruba International 2021.
Ocho candidata ta competi pa e titulo maximo, y entre nan tin premio tambe cu a wordo entrega un siman prome cu e evento final.
E anochi aki a escoge tambe e Miss Sonrisa. Tabata un momento alegre ora cu George Winterdaal a anuncia cu e biaha aki pa prome biaha den historia di e organizacion, cu nan tin un empate pa Miss Smile.
E hurado pa Miss Smile tabata na encargo di mondhigienist, Mirto Tromp.
Un di e ganadoranan di Miss Teen Best Smile 2021 a bira candidata Ashantee Martus di Tren’D by Endy Croes.
E otro ganadora di Miss Teen Smile 2021 a bira candidata Karoline Oliveros di The Stars.
Cada uno a ricibi nan medaya for di man di Ileyda de Cuba, kende ta Miss Teen Aruba International 2019.
E certamen final mes lo ta Diadomingo awor 18 di Juli 2021 na Cas di Cultura.
https://diario.aw/categories/noticia/general/e-biaha-aki-tabatin-empate-pa-ganadora-di-miss-teen-best-smile#sigProIdb07042fea1
