Sue Lee, Dean di Universidad di Aruba
ORANJESTAD (AAN): For di algun tempo caba, Universidad di Aruba tin e Facultad di SISSTEM, cu ta parti di tecnologia y sostenibilidad. Nan tambe ta haciendo un investigacion cu ta pa wak kico ta locual e comunidad mester pa asina Universidad por trece esey, asina Sue Lee, Dean, a indica.
El a agrega cu e area di ingenieria, por ehempel, ta pas hopi cu Aruba y ta mira como un area fuerte pa ofrece.
Pa loke ta e aña academico nobo, a laga sa cu UA a crece den cantidad di studiante, den infrastructura. Pocopoco tin e demanda y kier sigui crece y evoluciona pa ta parti di e comunidad, educando e generacionnan y yudando tambe pa esunnan cu ta afo por bin bek y sigui studia riba un nivel academico, pero tambe practico cu cursonan avansa, a enfatisa.
E aña aki, a declara, mester caba cu e renobacion cu ta tumando luga pa por funciona completamente cu nan Maria Convent, cu nan edificio nobo y asina sigui sondea y wak kico mas por haci cu e otro programanan y e necesidadnan eyfo.
Lee a finalisa bisando cu educacion ta importante, pero tambe ta pa yuda e comunidad crece y ta critico riba locual ta pasando rond na trabao, y pa e hobennan siña ta parti di e comunidad. E balor agrega ta cu ora cu un persona tin su estudio e por contribui bek na bo pais pa sigui crece como un pais desaroya.
