ORANJESTAD (AAN): Durante Luna di September Fundacion UHAT (You Have A Talent) ta move riba tereno di arte visual y arte di escenario den Centro San Martin na Santa Cruz.
Tur amantenan di arte ta worde invita pa sali masalmente y bin aprecia e obranan cu nos artistanan grandi y chikito lo presenta na publico. Por bay aprecia diferente style di obra: Pintamenta di potretnan cu potlood, recycla pañanan p.e. jeans, denim, catuna, etc., y traha tasnan cu nan, pintamento riba canvas, recycla boternan grandi di plastic y traha matero colga cu nan hopi forma di traha armband, renchi orea y cadenanan, obranan di man usando entre otro cartolina y verf pa finalisa nan trabao di carton.
E resto di trabow di adultonan a sigi den nan material preferi p.e. cuadranan cu letternan di palo traha. Showmento di pañanan di praise dance y mucho mas.
E lo ta Diasabra awor 21 di September for di 5:00 pm te cu 10:00 pm. Danki na tur esnan cu ta bay tuma e tempo pa aprecia e bunita trabao aki di UHAT Event. Tin suficiente motibo pa mustra nos goso y satisfaccion pa tur e beneficionan cu a ricibi di nos Tata Celestial. Semper por palabra cu nos team ki tipo di obra bo kier trese dilanti den e Expo di otro ana 2025. E luna di September ta clausura cu un show riba stage (performing arts). Cada participate tin entre 4 -5 min max pa su presentacion.
Tur cos den e Evento aki ta pa mustra e gratitud y aprecio cu Aruba tin pa nos Creador. E di dos meta ta pa amplia e grupo di hende cu ta mira e necesidad pa gradici nos Creador pa nan talento y desaroy’e. riba e pida baranca stima cu yama Aruba.
Esaki ta un Fundacion cu ta traha sin fin di lucro den e comunidad arubano y un donacion ta semper bon bini pa sigi di un forma mihor pa facilita tur e participantenan cu e resto di hermentnan cu falta den workshops y of grabacion di e videonan y pistanan.
Nan ta invitabo pa mira e presentacion riba escenario Diasabra 28 di September di 7:00 pm te 10:00 pm den Centro San Martin na Santa Cruz. Lo cobra pa entrada, cu prijs special pa muchanan bao 12 aña.
