Rino Hermans, director di CMO:
ORANJESTAD (AAN)—Señor Rino Hermans a splica, den un entrevista cu DIARIO, a recorda cu antes tabatin “Bureau Rampen Bestrijding” cu despues a cambia pa “Crisis Management Office” (CMO).
CMO ta indica kico ta su tarea di cual un di nan ta seguridad general, ora tin un multitud cu ta bin hunto, manera den carnaval, cu ta acapara mas di 50 mil persona, y eynan CMO a haya cooperacion di Hospital, cu ta bisa cu durante e paradanan grandi tin hopi druk riba Eerste Hulp, y nan a pidi CMO si por bin cu un pre-hospital mirando e capacidad logistico cu CMO tin.
“Nos a purba aña pasa cu seis parada, nos a evalua y pa e aña aki nos ta bay tin tres parada cu ta Lighting Parade Oranjestad y e dos paradanan grandi, cu ta Playa y San Nicolas. E otro paradanan no tabatin mester di tanto atencion, y e operacionnan aki ta costa basta placa y Hospital tambe mester saca su personal pa pone den veld”, Rino Hermans a señala.
Hermans a subraya cu e tres paradanan menciona ta esnan unda asistencia ta wordo pidi mas. El a agrega cu pa trata e gruponan SMAC tey, KPA ta percura pa orden publico, y ambos instancia hunto cu CMO cu tambe tin un stul eynan, ta den dialogo.
El a reitera cu nada a cambia compara cu 2024, y cu el a wak e actividad di fakkel unda e lidernan di grupo a purba mantene loke nan a practica na 2024. Kiermen cu e mensahe a yega y tur hende a ripara cu bienestar general ta pa un y tur.
El a subraya cu e aña aki den e tres paradanan tin e pre hospital, y cada instancia manera Ambulance, Brandweer, DTI automaticamente ta carga nan tarea. “Pero si, mi por bisa cu e mensahe y colaboracion a yega entre nan tur y por a ripara cu no tabatin ningun cuestionamento. E grupo ta responsable pa su hendenan, y ora algo bay for di man for di grupo, tin ambulance, Cruz Cora cu ta pa e publico y SMAC ta percura p’esey y si mester asistencia avanza, e ora ey nan ta bay pre hospital prepara esaki”, Rino Hermans a duna di conoce.
{gallery}Pre-Hospital tey pa tres parada so Lighting Parade, y e paradanan grandi Playa y San Nicolas{/gallery}