Dyon Center y Party by Dyon a bin pa satisface clientenan cu nan productonan

ORANJESTAD (AAN) - Dyon Center N.V. a habri su portanan dia 14 di Maart 2009  cu un tienda chikito na Rockefellerstraat

 y na 2010 a muda pa un localidad mas grandi na e mesun Rockefellerstraat bao propietarionan, Ricky, Gina y Dyon Croes. 

E IDEA PA DYON CENTER 

  Den un entrevista cu un di e propietarionan  Sr. Ricky Croes,  el a conta cu “Dyon Center tin un existencia di 12 aña dunando servicio na nos clientenan di Aruba henter.  E idea a cuminsa simpel door di a bishita Los Angeles California, na unda mi a mira e posibilidad pa cuminsa cu un liña di articulonan pa oficina y scolnan na Aruba. A traha riba e idea, buscando informacionnan necesario y concretiza esaki den forma di Dyon Center N.V.

Mirando e crecimento di e compania a dicidi cu nos a cumpra nan propio edificio. Na Augustus 2012 Dyon Center a muda pa su propio localidad na Paradijswijk.

  Dyon Center a cuminsa cu benta di productonan pa scol y oficina y despues a amplia su liña di productonan cu articulonan di fiesta, manualidad y articulonan pa cas. Pero mirando e interes grandi pa articulonan di fiesta a habri un sucursal nobo, Party by Dyon, na Paradijkswijk cu ta concentra riba tur necesidadnan pa bo fiesta.” 

SITUACION DEN PANDEMIA

 Sr. Croes a sigui bisa “Cu e pandemia a trece tur compania na Aruba den un situacion fastioso. Dyon Center tambe a pasa aden y a haya su mes ta bin cu servicio di entrega na cas y tambe posibilidad di compras online via website di e compania www.dyoncenteraruba.com, cumpliendo cu tur exigencianan di DVG y te cu awe ainda nos ta cumpliendo cu e exigencianan di hygiena pa nos clientenan y empleadonan.

 Comerciantenan na Aruba ta pasando den temponan difisil pero, Dyon Center tin e firme confiansa cu poco poco Aruba lo mehora di tal forma cu cos lo drecha bek pa tur..

Pa esnan cu no sa unda Dyon Center ta keda , e localidad actual di Dyon Center ta central den ciudad y cu

amplio lugar di parkeo pues ideal pa nos clientenan por hasi nan compras sea na nos tienda principal Dyon Center of na Party by Dyon.” 

DESEO Y  PLANNAN PA FUTURO 

Ta dificil pa expresa nos deseonan mirando e situacion di e pandemia pero ta spera cu nos gobernantenan por bin cu un otro pilar economico pa asina Aruba no mester depende solamente riba turismo.

 Nos planan pa futuro ta e expansion di nos edificio actual pa asina nos por ofrece nos clientenan mas surtido di productonan na un prijs rasonabel.