Bautismo di e uniform nobo di team U7 di Nacional

ORANJESTAD (AAN): Recientemente a tuma luga bautismo di e uniform nobo di e ekipo di Futbol “Nacional Bon Bini Cargo U7. 

   Palabra di gradicimento ta bay na Bon Bini Cargo y su Gerente Sr. Don De Veer cu a deposita nan confianza den e muchanan di Nacional U7 como sponsor di un bunita uniform y cu ta kere den e organizacion y cu kier inverti den nos muchanan cu ta futuro di Aruba.

   Gradicimento special ta bay tambe na coachnan Sr. Hennie Prins y Sr. Roderick Lampe y teamleidster sra. Elizabeth Maduro pa nan tempo liber cu nan ta dedica na e muchanan. 

   Directiva di Nacional Hubenil Señora Edeline Weller a entrega un obsequio na Sr. De Veer pa su aporte.

   Presente tabata tey Directiva di Bestuur di Nacional Hubenil, Sr. Orlando Hoevertsz y Sr. Carlos Maduro

   Danki grandi na e mayornan y famia cu ta sostene e organizacion di Nacional.