DVG cu algun conseho importante pa disfruta di vuurwerk na un manera responsabel

ORANJESTAD (AAN):  Despues di Pasco ta bin e celebracion di Fin di Aña, for di dia 27 lo cuminsa cu kimamento y shownan di vuurwerk.

DVG ta invita henter e comunidad pa disfruta di vuurwerk na un manera responsabel.

Aki algun punto pa tene den consideracion:

- Proteha Adulto Mayor: di e huma toxico di klapchi, bisti nan earplug pa proteha oido, no laga e persona su so si klapchi ta dun’e ansiedad.

- Proteha Mucha Chikito: di e huma toxico di klapchi, bisti nan earplug pa proteha oido, no laga nan cende klapchi sin supervision di un adulto.

- Proteha Bo Mascota: manten’e preferiblemente paden; dun’e un trankilisante segun instruccion di veterinario.

- Proteha Bo Mes y Otro: Sigui cuida pa Covid: mantene distancia, celebra den famia y evita aglomeracion.

Sea mas Consciente Fin di Aña y celebra responsabelmente. No mas hende, ni bestia kima na nos isla, ban proteha nos tur!