Awo permiso di trabao no ta bay via DPL mas sino direct pa DIMAS
- Varios siman caba cu DVG ta hopi druk mes
- Na Hospital tambe ta druk cu testnan pa hende haya permiso
ORANJESTAD (AAN): Dialuna mainta a cuminza cu un fila largo di imigrantenan dilanti di oficina di Departamento di Salud Publico (DVG) cu tin cu haci test obligatorio pa e proceso di permiso di estadia of trabou na DIMAS.
E seccion di DVG encarga cu malesanan infeccioso a tende un aglomeracion grandi for di ora tempran y segun informacion ricibi, e situacion lo keda asina durante e dianan cu ta bin. E testnan aki ta un paso necesario den e procedimento pa aplica na DIMAS.
E afluencia grandi di persona ta bin den cuadro di un “flexibilisacion” temporal cu gobierno a anuncia recientemente. Bou di e medidanan nobo, e personanan cu ta traha na e isla den manera ilegal of cu ta keda akinan cu status ilegal, pero cu por haya un dunado di trabou, lo por presenta un peticion pa un permiso, maske nan a pasa e tempo permiti di estadia, contal nan cumpli cu tur otro rekisito.
Awor cu e permiso di trabao no ta bay mas via DPL, sino ta un asunto direct di DIMAS, por sigui spera e rijnan largo aki.
Na Hospital tambe ta druk cu hendenan pa haci test e dianan aki. Esey ta pa nan por haya permiso die stadia y permiso di trabao. Esaki ta bin awor cu Gobierno di AVP-Futuro a anuncia cu lo bay legalize e ilegalnan cu ta trahando na Aruba.
Tin entendi cu hopi hende ya a presenta pa e testnan, pero ainda tin hopi mas cu mester pasa pa e proceso.
