ORANJESTAD (AAN): Herrick Henriquez, director di Aruba Trade & Industry Association (ATIA) a duna di conoce den entrevista cu DIARIO cu durante e pandemia di Covid-19, hopi compania mester a cambia nan strategia pa por a sobrebibi.
El a bisa cu Prome Minister Evelyn Wever-Croes a puntra gremio comercial riba kico ta bay pasa den comercio ora cu e sosten di likidez worde para. A informa minister cu por wak si cu tin companianan cu ta bay cera, pero den nan opinion esey ta companianan cu prome cu e pandemia caba tabata tin problema.
Door di e sosten di likides nan a sobrebibi, pero nan a cambia nan strategia. E companianan cu a cambia nan strategia no tabata tin mester di esey mas pasobra nan a recupera mas lihe, Henriquez a remarca.
Finalmente, el a invita comunidad pa asisti na nan evento corporativo diabierna awor unda lo comparti varios di e strategianan aki di supervivencia. El a bisa cu den e caso di ATIA mes, locual nan a haci tabata cambia nan strategia unda nan a cambia di director y di vision, pero e testimonionan mes di comerciantenan y kico tabata nan experiencia lo worde comparti durante e evento Diabierna awor.
