Director Herrick Henriquez: --- ORANJESTAD (AAN): E reforma fiscal a keda anuncia dialuna y den esaki ta inclui algun impuesto nobo manera esun conoci como BTW (omzetbelasting) of balor agrega.
Ademas lo bin algun cambio cu lo significa reduccion den algun otro impuesto.
Relaciona cu esaki, DIARIO a puntra Director di Aruba Trade & Industry Association (ATIA), Herrick Henriquez, riba nan pensamento pa loke ta e introduccion di e BTW.
Henriquez a duna di conoce cu pa loke ta e reforma fiscal, ATIA ta pro un BTW pasobra e ta un sistema cu ta bay regula su mes. Tambe ta un sistema cu ta bay genera mas placa pa gobierno si nan lo implement'e bon.
El a agrega cu e prijsnan ta suppose di keda mas o menos mesun cos. Ta bay haya un impuesto na frontera, pero esaki ta bay bin y e consumidor final ta esun cu ta bay paga e belasting.
Pa comercio, tambe e ta bay yuda pasobra door cu e ta regula su mes mester di facturanan pa por bay cobra e belasting bek di Departamento di Impuesto pa comercio.
Herrick Henriquez a laga sa cu nan ta na fabor pa e BTW wordo implementa riba un manera bon.
ATIA mes a skirbi un documento cu nan opinion riba esaki aña pasa cu ta disponibel riba nan website, e director di ATIA a duna di conoce.
