Ademas di percura pa busca fondo y duna ayudo material:
ORANJESTAD (AAN) -- Den un entrevista, en ocacion di a conmemora 64 aña di existencia di Koningin Wilhelmina Fonds, y Lily Prince a baha como presidente di e fundacion, despues di 40 aña den e posicion aki, Lily Prince a comenta cu su sentimentonan ta hopi, pasobra esaki ta un cargo cu nunca el a imagina cu e lo por a haci, te na 1984 ora cu señora Ida Guda(dfm) a bin cerca dje na trabao y a puntr’e si e por ta Secretario di KWF.
El a tuma e reto sin sa realmente kico KWF tabata e ora ey pero den e transcurso di e añanan Lily su amor pa e Fundacion a crece masha hopi mes.
Tabata tin un necesidad grandi di placa, pero mas cu tur un necesidad di comunicacion, unda e clientenan por a expres nan mes, y Lely a dedica hopi na scucha hende y comparti tambe pasobra pa hopi hende esey ta e dolor grandi cu nan tin, pa haya hende pa papia cu ne.
El a expresa cu pa tur cos tin su comienzo y su tempo pa caba, y esey ta su caso como Presidente di KWF. Di su experiencia den e 40 añanan aki, como Presidente di e Fundacion, el a comenta: “Na momento cu nos a take over e directiva na aña 91, e prome cos cu nos a haci awe, ta gradici Dios cu nos tey y cu Wilhelmina Fonds tin su propio edificio. E ta depende di Dios y di e Comunidad Arubiano y loke nos ta haya di dje nos ta inverti bek den e comunidad, den e personanan cu ta yega na porta pidi yudanza”, Lily Prince a señala.
