DTI ta den e comision tratando cambio di Ley riba vehiculonan di motor di cual tin dos categoria so

Richella Dorothal, director DTI:

*Tin hopi vehiculo circulando cu Aruba no ta custumbra cu ne 

ORANJESTAD (AAN) – Den entrevista cu Richella Dorothal, Director di Departamento di Inspeccion Tecnico (DTI), el a duna di conoce cu  su departamento atendiendo den Comision, conhuntamente cu locual ta vehiculonan ATV y UTV, y a base di esey nan a tuma nota cu tin mas aspecto cu ta hunga un rol aworaki, cu tin diferente vehiculo cu ta bin Aruba sea electronico of no, pero cu ta otro tipo di vehiculo cu Aruba no ta custumbra cu ne.

Den esaki DTI ta trahando den e Comision pa cu e cambio di ley. Pasobra aworaki tin dos categoria cu ta bromer y auto. A base di esey DTI ta verifica e exigencianan pa nan por cay den un di e dos categorianan aki, unda hopi biaha e parti di e peso y si ta un caroceria habri of cera, ta hunga un rol.

A base di ambos punto DTI ta pone un categoria den cual nan ta cay y tin un formulario cu e departamento ta duna, pa informa riba e vehiculo concerni pa pasa un keuring of no.

“Si nan no por pasa un keuring pasobra no ta cay den ningun di e dos categorianan menciona, nan ta vehiculo cu no por wordo registra. E informacion ta wordo pasa na e demas departamentonan, por ehemplo na DIMP, y si ta transporte publico ta wordo pasa na DTP y tambe na KPA”, Richella Dorothal a splica.