DTI ta bezig cu cambionan den diferente ley cu mester wordo actualisa

Richella Dorothal, directora:

ORANJESTAD (AAN):  Richella Dorothal, Director di DTI (Dienst Technische Inspectie) ta splica riba e tema di grua (kraan) den luna di seguridad. El a señala cu DTI semanalmente lo ta dunando informacion riba e diferente inspeccion y keurnan cu nan ta haci como tambe pa haci conscientisacion den cuadro cu e 'World Day of Safety and Health at Work'.

            Dorothal a agrega cu e trabao aki ta base den ley pa loke ta e inspeccion y keurmento cu DTI ta haci y esaki ta den parti pa preveni cu tin accidentenan laboral y tambe ta pa cuida e trahadonan y zorg pa e parti di seguridad en general.

            DTI tin diferente departamento cu ta haciendo diferente inspeccion. Nan a haci e parti di 'kraan keuring' unda a duna informacion. Pero tin otro afdeling ademas di esun di keurmento di auto, a splica.

            E aumento den cantidad di proyectonan di construccion tambe ta trece cu ne cu mester haci mas inspeccion. DTI tambe ta siguiendo e parti di ROPV hunto cu DIP tambe, pero DTI tin su parti di control di trahado na pia di trabao, a indica.

            El a finalisa bisando cu DTI ta bezig e anja aki cu diferente concepto di leynan nobo ya cu hopi di nan ta anticua y lo mester haci adaptacionnan tambe. Tin materialnan cu ta cambia, of cierto cosnan cu no ta vigente mas, pero e adaptacionnan lo mester tuma lugar.