ORANJESTAD (AAN): E cientifico Arubiano trahando pa NASA, esta Dr. Edward Cheung ta di bishita e dianan aki na Aruba.
Y el a probecha di e ocasion pa haci un bishita na Play2Whizz Campus, situa na Meiveld.
El a bin topa cu un klas hopi interesante, y nan a keda papia di e sistema solar pa como 1 ora largo. Dr. Cheung a keda impresiona cu e muchanan inteligente aki a haci nan investigacion di antemano. Nan tur tabatin pregunta y remarca riba e fascinante universo cu tin rond di nos.
Dr. Cheung kier a gradici docente Luduela pa e invitacion pa asina e por a duna e presentacion aki. Sigur e alumnonan a keda fascina y a keda papia henter dia riba e encuentro aki cu Dr. Edward Cheung.
View the embedded image gallery online at:
https://diario.aw/categories/noticia/general/dr-edward-cheung-a-duna-presentacion-na-play2whizz-campus#sigProId0add90bea5
https://diario.aw/categories/noticia/general/dr-edward-cheung-a-duna-presentacion-na-play2whizz-campus#sigProId0add90bea5