ORANJESTAD (AAN): Matthijs van Beusekom y Bente Janssens di Representacion di Hulanda na Oranjestad (VNO) a bishita The Sunshine House,
un pasadia pa adulto mayor na San Nicolas. Aki adultonan mayor por reuni, participa na actividadnan y mantene contacto social. Di e forma aki, e pasadia ta contribui pa nan keda activo y por sigui biba di forma independiente pa mas tempo.
Pa medio di Klein Projecten Fonds (KPF), VNO a otorga un contribucion di 7.500 Florin pa compra di aparatonan nobo di airco. Durante e bishita tabata bunita pa mira con e contribucion aki ta beneficia e adultonan mayor y e personanan cu ta dedica nan mes diariamente na nan bienestar.
E aña aki VNO a sostene mas cu trinta proyecto social na Aruba, entre otro iniciativanan di Stichting Leerorkest Aruba y Fundacion Respeta Mi.
Cu e KPF, VNO ta sostene proyectonan cu ta contribui di forma positivo na e comunidad di Aruba, por ehempel riba tereno di bienestar, enseñansa, cultura, deporte y sostenibilidad. Organizacionnan social por solicita un contribucion di te un maximo di 7.500 Florin pa proyecto.
E presupuesto di KPF pa 2026 a wordo utiliza completamente. Na 2027 VNO lo bolbe ricibi solicitudnan nobo pa proyectonan cu lo tuma luga den e aña ey. Bo kier sa mas tocante e posibilidadnan y condicionnan, e ora tuma contacto via This email address is being protected from spambots. You need JavaScript enabled to view it..