Dr. Edward Cheung a bishita YNZ Montessori School

ORANJESTAD (AAN): Un biaha mas, e cientifico local Dr. Edward Cheung trahando pa NASA, a bishita alumnonan di un scol.

   E biaha aki tabata YNZ Montessori School na Kudawecha.  Dr. Cheung a splica cu su yiunan tambe a bay scolnan di Montessori, pues e ta costumbra cu e sistema di educacion aki.

   E alumnonan di YNZ Montessori School tabata hopi agradabel pa combersa cu nan.  Algun di nan el a yega mira caba den añanan anterior di otro scol.   Dr. Cheung ta agradecido na e invitacion di docente Spanjers pa e oportunidad aki di papia y duna estimulo na e studiantenan.